Deallwn fod dewis deintydd newydd yn gallu bod yn benderfyniad mawr i rai pobl. Rydym yn falch iawn bod llawer o’n cleifion newydd ni’n dod atom ni trwy argymhelliad ffrind neu aelod o’u teulu. Mae hwn yn teimlo fel canmoliaeth fawr o’n gwasanaeth ni. Deallwn hefyd bod rhai ohonoch chi ddim wedi bod i weld y Deintydd ers sbel, a hynny am amrywiaeth o resymau, ac eich bod chi erbyn hyn yn becso am gyflwr eich dannedd chi. Efallai bod hyn hefyd yn achosi pryder iddoch chi am faint bydd unrhyw driniaeth sydd ei hangen yn costio i chi.

Rydym yn cynnig sawl opsiwn i chi er mwyn iechyd eich dannedd chi:

• Mae croeso i chi ymuno â ni fel claf preifat, sy’n talu fesul uned o driniaeth  (gweler rhestr ffioedd)
• Dewch yn aelod o’n Cynllun Aelodaeth Sylfaenol ni (cliciwch yma am ragor o wybodaeth)
• Gallech chi ddewis yr opsiwn o Ariannu 0%, sy’n golygu y byddwch chi’n gallu talu’r gost dros gyfnod  (cliciwch yma am ragor o wybodaeth)
• Gallem ni drafod â chi sut i drefnu’r driniaeth a’r gost dros gyfnod o amser.
• Pam na ddewiswch chi Yswiriant Deintyddol bydd yn gwneud i’ch triniaeth chi fod yn rhatach? (cliciwch yma am ragor o wybodaeth)? Gofynnwch i unrhyw aelod o’n tîm ni, a byddan nhw’n hapus i esbonio i chi sut y gallai hyn bod o fantais i chi.
• Os hoffech chi ddod i gwrdd â ni cyn gwneud apwyntiad, ffoniwch ni i drefnu pryd i ddod i mewn i’r deintyddfa i gael sgwrs gyda ni, a bydd aelod o’n staff yn esbonio natur pob opsiwn sydd ar gael iddoch chi.

Yn ystod eich apwyntiad cyntaf â ni, byddwn yn gofyn i chi lenwi ffurflen feddygol fyr ac i gadarnhau eich manylion personol chi, wrth i chi ddisgwyl eich tro i fynd i mewn i weld y deintydd. Wedyn, bydd y deintydd yn asesu eich anghenion deintyddol chi ac, wrth gwrs, yn ateb unrhyw gwestiwn hoffech chi ofyn iddo.

Bydd y deintydd yn trafod opsiynau triniaeth gyda chi ac yn sicrhau eich bod yn deall y gost, yn deall manteision ac anfanteision unrhyw driniaeth yn ogystal â rhagweld cyflwyr eich dannedd yn y tymor byr a’r tymor hir.